Рускиот претседател Владимир Путин потпиша декрет со кој бројната состојба на вооружените сили се зголемува за 15.500 припадници, при што вкупниот дозволен број изнесува 2.441.630 лица, од кои 1.550.500 воени лица. Ова е четвртиот ваков декрет во текот на 2026 година – по оние потпишани во март, јуни и јули – со што вкупното зголемување од почетокот на годината достигнува близу 48.000 лица. Официјална причина за одлуката не е соопштена.
Декретот доаѓа во услови кога напредувањето на руските сили на бојното поле забавува, делумно поради широката употреба на дронови, која го отежнува брзото движење на поголеми воени единици, додека во одредени делови од фронтот украинските сили пријавуваат пробиви. Украинскиот претседател Володимир Зеленски изјави дека Русија веќе започнала со дополнителна мобилизација, а според украинските разузнавачки податоци, Северна Кореја подготвува испраќање уште 10.000 војници, дополнително на 8.000 веќе распоредени. Порано се шпекулираше дека Москва планира повик на до 300.000 лица годинава, што дополнително поттикнува иселување меѓу рускoто население, и покрај тоа што Путин ги отфрли гласините за мобилизација, оценувајќи ги како „целосна глупост“.
